Амур өлкәсендә бер ир-атның күкрәк читлегеннән 5 см озынлыктагы кадакны табиблар алган. 42 яшьлек ир-ат бу кадак белән берничә ел яшәгән. Бу турыда Лайф яза.
Благовещенск шәһәрендә яшәүче ир-ат, йөткергәндә кан чыга башлагач, табибларга мөрәҗәгать итә. КТ снимогы ясагач, күкрәк читлеге эчендә металл предмет булуы ачыклана.
Табиблар операция ясап, кадакны чыгара.
«Күкрәк стенасының эчке тышчасы астында, үпкәдән 2 мм ераклыкта, йорт җиһазлары өчен кулланыла торган 5 см озынлыктагы кадак таптык. Ул биредә берничә ел яткан, дип фаразларга була», – ди табиб.
Берничә көннән ир-атны өенә кайтарып җибәргәннәр. Ул кадакның үпкәсенә ничек кергәнен аңлата алмаган, диелә хәбәрдә.