Сахалин өлкәсенең Оха шәһәрендә табиблар бер ир-атның гомерен саклап калу өчен тырыша. Бу кеше битум шартлаган вакытта зыян күргән. Сахалин өлкәсенең Сәламәтлек саклау министрлыгы телеграм-каналдагы сәхифәсендә шул хакта хәбәр итте.
Оха шәһәрендә яшәүче ир-атның бите, куллары, гәүдәсе өченче дәрәҗәдә пешкән. Аны экстрен рәвештә хастаханәгә китергәннәр. Сахалин өлкәсендә баш комбустиолог Игорь Ким авыруның хәле турында аңлатма биргән.
"Пациентның хәле бик куркыныч иде. Башының күп өлеше, гәүдәсенең башка өлешләре бик каты пешкән. Кайнар битум тән тиресенә ныклап ябышкан. Тиренең зыян күргән өлешләрен урында ук алганнар, вакытлы бәйләвечләр куйганнар", - ди Игорь Ким.