Бер ир-ат сөяркәсен үтереп, мәетен тураклап Иделгә ыргыткан
Ир хатынны буып үтергән, ике атнадан соң мәетне пычак белән кисәкләргә тураган.
Тверь өлкәсенең Кимры шәһәрендә яшәүче ир-атны 49 яшьлек сөяркәсен үтерүдә шикләнеп тоткарлаганнар. Бу турыда РЕН ТВ хәбәр итте.
Быел апрельдә бу хатын-кыз туганнары белән элемтәгә чыкмый башлый. Алар хокук саклаучыларга мөрәҗәгать итә. Шуннан соң тикшерүчеләр бу хатын белән бергә яши торган ир-аттан шикләнә башлый, җинаятькә аның катнашы булуын ачыклыйлар.
39 яшьлек ир-ат сөяркәсен 13 апрельдә буып үтерә. Ике атнадан соң, ул мәетне тураклый, пычак белән кисәкләргә бүлә. Ир-ат мәет кисәкләрен капчыкларга тутыра һәм шәһәрдә төрле урыннарда ташлап чыга. Шулай ук Идел елгасына да ыргыта.
«Тикшерү барышында ир-ат җинаять кылганын урынын, ничек үтерүен күрсәтә, аннары мәет кискәләрен яшергән урыннарны да әйтеп чыга», — дигәннәр Тикшерү комитетында.
Мәрхүмә хатынның мәетенең кисәкләрен водолазлар тапкан. Судмедэскпертиза булган, хатынның үлеме сәбәбе ачыкланган. Сөяркә ир-атны сак астына алганнар, диелә хәбәрдә.