Бер ир-ат элеккеге хатынының өенә шартлаткыч ыргыткан
Өйдә булган 13 яшьлек малай, хатынның анасы яраланган.
Оренбург өлкәсенең Кувандык шәһәрендә бер ир-ат элеккеге хатынына, аның анасына һәм хатыны белән яшәргә калган үзенең улына һөҗүм иткән. Бу турыда РЕН ТВ хәбәр итте.
Телеканал белешмәсе буенча, ир-ат хатынының агач йортына бәреп керә һәм үз ясаган шартлаткыч җайланманы эчкә ыргыта.
Шартлаудан соң, өйдә берничә пыяла ватыла, шартлаткыч кыйпылчыклары өйдәге кешеләрне яралый. Аннары ир-ат ау мылтыгыннан ата башлый. Бераздан ул чыгып кача. Әлеге фаҗигадә ир-атның 13 яшьлек улы һәм хатынының анасы яралана.
Ярты сәгатьтән бу ир-атны тоткарлыйлар. Ул тоткарлаганда каршылык күрсәтми.
«Россия Тикшерү комитетының Оренбург өлкәсе буенча Тикшерү идарәсе Кувандык шәһәрендә яшәүче 49 яшьлек ир-атка карата җинаять эше ачты. Ул ике яки аннан да күбрәк кешене гомуми куркыныч ысул белән үтерергә маташуда шикләнелә», — диелә ведомство хәбәрендә.
