Бер хатынның тәнендә гантель зурлыгында шеш үскән
Табиблар операция ясап, 1,5 кило авырлыктагы шешне алганнар.
Мәскәүдә яшәүче 38 яшьлек хатынның арт санында шеш үскән. Ул гантель формасында һәм 1,5 кило авырлыкта булган. Бу турыда «Московский комсомолец» хәбәр итте.
Бәхеткә, шештә яман күзәнәкләр булмый. Ләкин ул шулкадәр каты авырта, хатын йоклый да алмый.
«МК» хәбәрчесе Мәскәүнең Сәламәтлек саклау департаменты вәкиле белән аралашкан. Хатынның аяклары авырта башлагач, аның арт санындагы нервы ялкынсынгандыр дип фаразлаганнар һәм хастаханәгә китергәннәр. Бу хатын ике ел чамасы арткы ягында авыртудан интеккән. Аннары хәтта йоклый алмый башлаган, дип аңлатканнар департаментта.
Авыруны неврология бүлегенә салганнар. Аны тикшергәннән соң, арт санының бер ягында бик зур шеш булуын ачыклаганнар. Аның кече тазы һәм арт санының бер өлеше эчендә шеш була. Шул шеш нервка басып, авырту китереп чыгара.
Табиблар шешне кисеп алырга карар кыла. Операция уңышлы килеп чыга, икенче көнне авырту бетә, диелә бу хәбәрдә.