Бер хатынның аналыгында тешләр һәм чәчләрдән торган шеш үсеп яткан
Хатын бала тапкач ике ел буена эче авыртудан интеккән, бу вакытта аның аналыгында баласының үсеш алмаган игезәк сыңарының кисәкчеләре үскән.
ТикТокта бер хатын үзенең аналыгында эчендә тешләр һәм чәч булган шеш үсүе турында сөйләгән. Ике ел элек бу хатын бала тапкан. Хәзер эчтә табылган шеш исә шушы баланың игезәгенең үсеш алмаган яралгысы булып чыккан. Бу турыда Лента.ру яза.
Хатын бала таба һәм ике ел буена эче авыртудан интегә. Ул гинекологка мөрәҗәгать итә. УЗИ ясагач, аның аналыгында шеш табыла. Ул бала кебек була, тик табиб аның яралгы булмавын әйтә. «Табиб кабинетка килгәч, минем эчемдә җиде сантиметрлы дермоид киста (тератома) булуын әйтте», — ди ул.
Аннары кисталар икәү булуын ачыклыйлар. Икенче шеш борчак зурлыгында гына була. Бу шешләрне алу өчен операция ясыйлар.
Тератома — эчендә чәчләр, сыеклык, тешләр яки тән тиресе булырга мөмкин булган шеш ул. Ул паразит игезәк сыңары булганда балыкка килергә мөмкин. «Ике ел дәвамында минем эчемдә улымның кисәкчекләре булган, минем аналыгымда тешләр һәм чәчләр үсеп яткан», — ди бу хатын.