Бер хатын песине ике ел буена урындыкка бәйләп тоткан
Муеныннан бәйләп куелган песине иске урындык тирәли генә йөри алган.
Чиләбедә пенсионер хатын песине урындыкка бәйләп куйган. Песине муеныннан бәйләнгән килеш ике ел яшәгән. Бу турыда «Ньюсач\Двач» телеграм-каналына сылтама белән РЕН ТВ хәбәр итте.
Шулай озак бәйдә торган песине полиция ярдәмендә генә коткара алганнар.
Песине алырга Екатеринбургтан волонтерлар килгән. Алар мескен хайванны алып киткән. Моңа кадәр Мигель исемле песи бары тик иске урындык тирәли генә хәрәкәт итә алган.
Песигә реабилитация курсы кирәк булган. Хәзер Мигель терелгән һәм яңа хуҗаларын көтә, диелә хәбәрдә.
