Бер хатын ике ел буена корсагында энә белән йөргән

Башкортстанда бер хатынның эченнән медицина энәсе алганнар. Ике ел элек ул операция ясаткан булган, энә шул вакыттан калган. Бу турыда "Башинформ" хәбәр итте.

Хатынны ике ел дәвамында эче һәм биле авыртып интектергән. Ул табибларга берничә тапкыр мөрәҗәгать иткән. Быел исә магнитлы-резонанслы томография уздырырга җыенган вакытында, аның эчендә металл предмет булуы ачыкланган. Аппарат хатын гәүдәсен кабул итмәгән.

Шуннан соң рентген аппараты ярдәмендә хатын эчендә медицина энәсе ятуын күреп алганнар. Белгечләр энәнең кайда булын тапкан һәм хатынны коткарган.

Хәзерге вакытта энәне хатын тәненнән алганнар. Ул судка мөрәҗәгать иткән, диелгән әлеге хәбәрдә.