Бер эшмәкәр үзеннән 20 миллион таләп итүчеләрне аткан һәм таптаткан

19 гыйнварда Мәскәүдә 30 яшьлек эшмәкәрне дүрт җинаятьче урлап киткән. Алар эшмәкәрдән 20 миллион сум акча таләп итеп маташкан. Бу вакыйга турында «Вести» каналы хәбәр итте.

Эшмәкәр үзенең Porshe Cayenne машинасында утырганда, аңа һөҗүм итәләр. Шул машина белән Мәскәүдән читкә алып чыгалар. Бераз сөйләшеп алалар. Шуннан соң алар барысы да эшмәкәрнең өенә китә.

Өйгә кайтып җиткәч, эшмәкәр ир-ат һөҗүм итүчеләрдән ычкына. Ул җир астындагы гаражына кереп кача. Броня куелган Mercedes Gelandewagen машинасына утыра һәм үзен урлаучы кешеләрне таптый. Аннары травматик коралдан ата.  Җинаятьчеләрнең берсенең аягы имгәнгән. Хәзер ул хастаханәдә сак астында дәвалана.

Ике җинаятьче качып котылган. Алар эшмәкәрнең Porshe Cayenne машинасына утырып киткән. Хәзер җинаятьчеләрне полиция эзли.