«Бер дошманымдыр инде». Данир Сабировның УНИКСтагы концертын өзгәннәр
Концерт барган вакытта шартлаткыч бар дип шалтыратканнар һәм тамашачыларны эвакуацияләгәннәр.
Бүген юмор остасы Данир Сабировның УНИКСтагы концерты вакытында «шартлаткыч бар» дип шалтырату аркасында кешеләрне эвакуацияләгәннәр.
«Бер дошманымдыр инде. УНИКСта шартлаткыч куйдык дип шалтыратканнар. Телефоны хәзер „недоступен“. Бөтен халыкны чыгардылар. Фотога төшәбез. Концерт барыбер булачак. Саперлар эшләп бетергәч, керәчәкбез. Гафу үтенәм көтелмәгән хәл килеп чыкканга. Булачак», — ди җырчы һәм юмор остасы.
