«Бер дә килешми күлмәгең» — Зинира Рамазанованың кыска күлмәген ошатмаганнар
Зинира белән Ризат Рамазановлар инстачыларга яңа образларын тәкъдим иткән.
Иҗади гаилә Зинира белән Ризат Рамазановлар виртуаль дусларына яңа образларын тәкъдим иткән. Инстачылар ике төркемгә бүленгән. Бер төркем яңа образларны ошаткан, икенче төркем «килешми», дип бәяләгән.
«Бик килешә, озынын әби булгач киярсең», «Яшь чакта, килешкәндә, киеп калырга кирәк. Кеше сүзенә карама, көнләшеп язалар», «Шулкадәр килешә күлмәгең, Барби курчагы кебек», — дип комментарий калдырганнар Зинираның күлмәген бәяләп.
«Тагын да кыскарак кия алмадыңмы?», «Бала-чага туфли киеп уйный бит әле, нәкъ шуңа охшагансыз», «Сез бит әни кеше, килешми», «Зинира чалбар кияргә оныткан бугай», Зинира, күлмәгеңне кеда яки кроссовки белән кисәң, килешлерәк булыр иде», — дип язган икенче төркем инстачылар.
«Ризатның чалбары шәп», «Ризат супер», «Синең кебек акыллы, матур иргә килешеп бетми мондый чалбар», — дип бәя биргән инстачылар.
«Уф, бу авыл әбиләре… Өйрәнделәр бит телефонда утырырга», — дип бөтен инстачыларны ачуланган берәү.
