«Бер атнадан үлде»: Сәүдә үзәгендә батутта сикергән 24 яшьлек егет муенын сындырган
Улы белән уйнарга килгән яшь әти сальто ясый.
Башкортстанның Стәрлетамак шәһәрендәге сәүдә үзәгендә урнашкан батутта сикергәндә 24 яшьлек егет муенын сындырган. Табиблар аның гомерен саклап калу өчен тырышса да, бер атнадан ул вафат булган. Бу турыда РЕН ТВ хәбәр итте.
Имгәнгән ир-ат хастаханәдә аңына килмичә 3 гыйнварда үлеп киткән.
26 декабрьдә яшь әти нәни улы белән батутта сикереп уйнарга бара. Ул сальто ясамакчы була һәм имгәнә. Шуннан соң аны хастаханәгә алып китәләр. Аның умыртка сөяге сынган һәм ул комага киткән.
Фаҗигадән соң җинаять эше ачылган.