Бер атна элек югалган Куштау активистының шәхси әйберләрен урманда тапканнар
Илһам Яндирдин 11 октябрьдә югалган иде.
Куштауны яклаган активист Илһам Янбирдинның шәхси әйберләре Уфаның Инорс микрорайоны янында, ул яшәгән тирәдә табылган, дип яза UFA1.RU аның хатыны Рәсимәгә сылтама белән.
Активист 11 октябрьдә югалган иде. Аны волонтерлар да озак эзләде. Янбирдинның шәхси әйберләрен алар тапкан да инде. Илһамның курткасы, телефоны коры булган, шуңа да волонтерлар ул әйберләр 11 октябрьдән бирле ятканына ышанмый.
Илһам Янбердин 1979 елгы, 2020 елда Куштау шиханын саклауда актив катнашты, шуны яклау аркасында 40 тәүлек мәҗбүри эшләргә дә хөкем ителде.