«Бер атна элек өйләнештеләр»: М7 юлында ут капкан машинада дүрт кеше һәлак булган
Башкортстанда юл һәлакәтендә 4 кеше үлгән. Бу турыда «Башинформ» хәбәр итте.
Фаҗига 15 мартта иртәнге 6 тирәсендә М7 юлында Чернолесовский һәм Николаевка арасында була.
Якынча белешмә буенча, «Тойота Королла» машинасы шул ук якка баручы МТЗ «Беларусь» тракторына бәрелә, аннары юл кырыена төшеп китә һәм яна башлый.
Җиңел машинада 4 кеше һәлак була. Трактор йөртүчегә беренче ярдәм күрсәтәләр.
Фото: © Башкорстан буенча ЮХИДИ
Якынча белешмә буенча, ут капкан «Тойота» белән хатын-кыз идарә иткән, аның шәхесе әлегә ачыкланмаган. Машина хуҗасы салонда пассажир булган. Ул машинаны 2 ел чамасы элек алган, дистәләп штраф җыйган.
Янган машина салонында ир белән хатын – Уфа кешеләр була. Аларга Уфадан Казанга таба барырга чыккан, диелә хәбәрдә.
«Башинформ» белешмәссе буенча, һәлак булган ир белән хатын – яңа гына өйләнешкән кешеләр. Алар 1 атна элек – 9 мартта язылышкан 26 яшьлек Татьяна һәм 19 яшьлек Глеб. Тагын бер һәлак булган кеше – аларның танышлары, 26 яшьлек Роман.
Ут капкан машинадан кешеләрне коткаручылар чыгарган. Ләкин ир белән хатын бик каты пешкән булган.
