Бензин өчен түләргә теләмәгән ир заправка хезмәткәрен бәрдереп качкан - видео

Петербургта бензин өчен түләргә теләмичә автозаправка хезмәткәрен бәрдереп качкан "Ауди" автомобилен йөртүче ирне эзлиләр. Бу хакта "Невские новости" яза.

Бу вакыйганы АЗСның күзәтү камерасы төшергән. Заправка станциясе башта кирәк кадәр бензин салып, аннары түләү системасы буенча эшләгән. Газета язган мәгълүмат буенча, ир-ат машинасына бензин сала, аннары түләргә бара, аның бензин өчен түләрлек акчасы булмавы ачыклана. Ул машинасына утыра, заправка хезмәткәре аны туктатыр өчен машинасының каршына чыгып баса. Йөртүче машинаны читкә борып алып китә, әмма арткы бамперы белән АЗС хезмәткәрен бәрдерә. 

Заправка хезмәткәре егыла, авыр тән җәрәхәтләре алмый. Йөртүче белә торып кеше гомеренә куркыныч гамәлләр кылган өчен хөкем ителәчәк.