4 майда бәйсез Белоруссиянең беренче җитәкчесе Станислав Шушкевич вафат булды. Республиканың Югары советының элеккеге рәисе Минскта 87 яшендә үлгән. Бу турыда сәясәтченең хатыны "Еврорадио" станциясенә әйткән.
Шушкевич сәяси карьерасын 1989 елда башлый. Ул Беловежская пущада СССРны таркату һәм БДБ оештыру турында килешүгә кул куйган кеше.
1994 елда Шушкевич Белоруссиянең беренче президентын сайлауда катнаша. Тик аны Александр Лукашенко җиңә, дип хәбәр итте "Татар-информ".