Белоруссиядә авариядә Россиядән килгән 41 турист имгәнгән, алтысы авыр хәлдә
Экскурсия автобусына җиңел машина килеп бәрелгән.
Белоруссиядә туристлар утырган автобус авариягә очраган. Республиканың сәламәтлек саклау министрлыгы хәбәр иткәнчә, авариядә 41 кеше имгәнгән, алты кеше авыр хәлдә. Бу турыда РЕН ТВ хәбәр итте.
18 кешенең хәле уртача авырлыкта дип бәяләнә.
"Якынча белешмә буенча, 41 пассажир имгәнгән, барысы да Россия гражданнары. Алты кеше авыр хәлдә, 18 кеше уртача авырлыкта, калганнарының хәле җиңелчә авырлыкта", диелә министрлык хәбәрендә.
Белоруссия Тикшерү комитеты белешмәсе буенча, авария 3 гыйнварда Витебск өлкәсендә була. Renault машинасы алдагы транспорты узарга маташа, каршы як полосага чыга һәм экскурсия автобусына бәрелә.
Ведомство белешмәсе буенча, автобуста 42 кеше була. Туристлар Россиядән экскурсиягә килгән.