Белогород шәһәрендә 2нче Ключевая урамында шәхси йортка беспилотник төшкән. Бу хакта шаһитлар хәбәр итә, дип яза «База» Телеграм-каналы.
Беренчел мәгълүматлар буенча, беспилотник төшкәннән соң шартлау да булган, әмма әлегә мәгълүмат тикшерелә. Хәзер урында оператив хезмәтләр эшли, зыян күрүчеләр юк, диелә.
Әлегә рәсми мәгълүматлар юк.
Соңрак билгеле булганча, шәхси йортка бәреп төшерелгән беспилотникның калдыклары төшкән.
Белогород халкы шартлау тавышлары турында хәбәр итә. Шәһәрдә сирена яңгырый, ПВО системалары эшли.
Шаһитлар сүзләренчә, снарядларның берсе автомобильгә төшкән. Якынча мәгълүматлар буенча, йөртүче һәлак булган – ул ут капкан машинасыннан чыгарга өлгерми калган.
Снаряд төшкән автомобиль. Йөртүчесе һәлак булган.
Фото: © База Телеграм-каналы.
Шишкин урамындагы шартлауда 2 кеше авыр яраланган. Шартлау шәхси йорт янында булган.
Хәзер яралыларны хастаханәгә озаталар.
Төбәк башлыгы Вячеслав Гладков 2 кеше яралануы һәм 1 кешенең һәлак булуы турында мәгълүматны раслаган. Аның сүзләренчә, ПВО шәһәргә якынлашып килгән 8 беспилотникны бәреп төшергән.