Җырчы ИлГәрәй социаль челтәрдәге сәхифәсендә шәп яңалыгы белән уртаклашкан. Ул тамашачыларын шаккатырып, русча җыр яздырган.
– Барыгызга да сәлам! Менә ул көн килеп җитте: минем яңа җырым чыкты. Бомба! Кайнар хит – «Как ты там?»
Беләм, минем тарафтан русча җыр ишетү сезнең өчен сәеррәк тоелыр. Кайберәүләр, хәтта, каршы да торды. Ләкин җырны ишеткәч, шок хәлендә калдылар. Минем тавышым икәнлегенә ышанмадылар. Әйе, бу – ИлГәрәй русча җыр җырлады. Күптән шундый берәр «текә» әйбер эшлисе килгән иде, һәм мин аны эшләдем!
Дусларыма һәм якыннарыма «поддержка»лары өчен рәхмәт. Җырның авторы – Дмитрий Фомин. Иң мөһиме, сез тыңлаучыларыма зур рәхмәт. Менә инде 20 ел дәверендә минем белән бергә булганыныгыз өчен, – дигән ИлГәрәй.
«Илназ, «текә!», «Бик матур чыккан», «Афәрин! Яңа дәрәҗәгә таба барасың», – дип бәяләгәннәр җырчының яңа җырын виртуаль дуслары.
Җырны сезнең игътибарыгызга тәкъдим итәбез. Йә, ничек сезгә?