Баянчы, композитор Булат Шәриповка «Татарстанның атказанган артисты» дигән исем бирелгән. Бу хакта социаль челтәрләрдә музыкантның иҗатташ дуслары хәбәр итә, аны мактаулы исем алуы белән тәбрикли.
Җырчы Зәринә Хәсәншина сторисларына: «Дустым, талантлы виртуоз баянчы Булат Шәриповны Татарстанның атказанган артисты булуы белән котлыйм. «Шушы көннәрең» килеп җитте», – дип язган. Музыкантны телевидениедә тапшырулар алып баручы Гөлүсә Сөнгатуллина, җырчы Игорь Дмитриев һәм баянчы дуслары да, иң яхшы сүзләр белән генә искә алып, үзләренең матур теләкләрен җиткергәннәр.
Булат Шәрипов – «Татар моңы» конкурсы лауреаты. Бүгенге көндә татар эстрадасының бик күп популяр артистлары белән хезмәттәшлек итә. Аранжировка ясау белән шөгыльләнә һәм җырларга көйләр яза.
