Бавыр паштеты (рецепт)
Тәския Вәгыйзовадан йомырка белән бавыр паштеты рецептын тәкъдим итәбез.
Паштет өчен 800 грамм бавыр, 60 грамм ак май, ике йомырка, 4 уртача суган, 3-4 тырнак сарымсак, тәменчә кара борыч һәм тоз кирәк булачак. Барысын бергә иттарткыч аша чыгарырга яки блендер белән вакларга. Катнашманы савытка салырга, пешкән йомырка батырып чыгарга, бытбылдык йомыркасы булса яхшырак, тавык йомыркасы эре булып сәбәпле, паштетны яра. Әзер булганчы мичтә пешерергә.
Кайнар һәм салкын килеш тә ашарга мөмкин. Әмма суынгач матуррак киселә. Тәмле булсын!
