Казанның Бауман урамында урнашкан бинага «Дом чая» дигән элмә тактаны кабат куйганнар. Бу турыда «Татарстан 24» каналы хәбәр итте.
Алдагы көнне элмә тактаны алган булганнар. «Татарстан 24» каналы хәбәрчесе легендар кафеның җитәкчесе белән аралашкан. Ул элмә тактаны яңарту өчен алып торуларын, кафеның элеккеге режимда эшләвен сөйләгән. Аның сүзләренчә, «Донер24» фастфуды бинасы моңа кадәр дә арендага бирелә торган булган.
Моңа кадәр матбугат чараларында Бауман урамындагы «Чәй йорты» бинасының беренче катында шаурма сата торган урын, данлыклы «Чәй йорты» ябыла дигән фаразлар турында хәбәр иткәннәр иде.
Казан үзәгендәге «Чәй йорты» урынында «Шаурмичная» була дип борчылулар турында «Татарстан 24» хәбәр иткән иде.
«Өчпочмаклар һәм өлешләр көнчыгыш фастфуды белән көрәшә. Казанның баш пешекчесе Юныс Әхмәтҗанов бик каты гаҗәпләнер иде, ә сез?» дип язганнар иде социаль челтәр кулланучылар.