Баулының Энгельс урамындагы салат цехын ябалар, чөнки кулинария продукциясе һәм әзер ризыкларда эчәк таякчыгы һәм стафилококк тапканнар.
«Тикшерү барышында санитария кагыйдәләре таләпләрен бозулар ачыкланды, шул исәптән: салат цехының санитар-техник торышы канәгатьләнерлек түгел, бинаның тычкан-күселәргә каршы торучанлыгы тәэмин ителмәгән, маркировкасыз азык-төлек продуктлары, кисү инвентаре маркировкаланмаган», – дип сөйләделәр ТР Роспотребнадзорында.
Сатудан гомуми авырлыгы 5,5 кг булган 4 партия продукция алынган.
Суд салат цехын 7 тәүлеккә ябарга карар кабул итте һәм эшмәкәрне барлык хокук бозуларны бетерергә мәҗбүр итте, дип хәбәр итә @tatarstansos телеграм-каналы.
