Баулыда 12 яшьлек кыз ваннада батып үлгән
Кызның мәетен әтисе табып ала, ул вакытта инде кызның үлеменә бер сәгать вакыт узган була.
![Баулыда 12 яшьлек кыз ваннада батып үлгән](https://intertat.tatar/resize/shd/images/uploads/news/2017/12/13/3fa0befa6bcd84bc70bfaf39d3808f12beb46e9d0f7a1149cc17257caf35.jpg)
Баулыда ванна бүлмәсендә вафат булган 12 яшьлек кызның үлем сәбәпләрен ачыклау буенча тикшерү эшләре бара дип хәбәр итте "Татар-информ" агентлыгына Тикшерү комитеты җитәкчесенең өлкән ярдәмчесе Андрей Шептицкий.
Хәзерге вакытта тиешле экспертизалар үткәрелә. 12 декабрь көнне кызны җирләделәр.
Мәетне кызның әти-әнисе 10 декабрь көнне таба, бу вакытта кызның үлеменә бер сәгать вакыт узган була. Кыз батып үлгән дип фаразлана.
"Татар-информ" хәбәр иткәнчә, 12 яшьлек кыз өйләрендә, ванна бүлмәсендә вафат булган. Кыз ваннадан озак чыкмый торгач, әтисе аның хәлен белергә уйлый. Ир-ат ванна бүлмәсе ишеге астыннан су акканын күрә. Ул ишекне ватып ваннага керә һәм кызының үле гәүдәсенә тап була.Хәзерге вакытта тиешле экспертизалар үткәрелә. 12 декабрь көнне кызны җирләделәр.