Баулы районы башлыгы махсус операциядә һәлак булган солдат хакында хәбәр итте
Станислав тормышта катлаулы һәм бик кирәкле ил сакчысы юлын сайлады, ватандашларына чын батырлык, ныклык һәм тугрылык үрнәген күрсәтте, диелә хәбәрдә.
«Кадерле баулылар! Кайгылы хәбәр. Якташыбыз, контракт хезмәтенең кече сержанты Станислав Герасимов махсус операция барышында хәрби бурычын үтәгәндә һәлак булган. Вөҗданы кушуы буенча Станислав тормышта катлаулы һәм бик кирәкле ил сакчысы юлын сайлады. Ул ватандашларына чын батырлык, ныклык һәм тугрылык үрнәген күрсәтте.
Барлык баулылар исеменнән Станиславның әнисе Любовь Александровнаның, тормыш иптәше Евгения Олеговнаның, улының, бертуганнары Денис һәм Вадимның авыр кайгысын уртаклашам.
Йөрәк сыкрый.
Якташыбызның туганнарына, якыннарына, дуслары һәм хезмәттәшләренә Ходай сабырлык бирсен», — дип язган Ильяз Гузаиров.
2 март көнне Түбән Камада Украинадагы махсус операциядә вафат булган сержант Илнур Сибгатуллин белән хушлаштылар, дип язган идек.
