Алдагы көннәрдә Татарстанда төнлә һава температурасы +8 градуска кадәр төшәчәк. Бу турыда Татарстан Гидрометеорология сайтында чыккан мәгълүматлардан күренә.
20 августа, белешмә буенча, көндез һава температурасы +18..+23 градус була. Төбәктә кабат яңгырлар көтелә. Урыны белән көчле яңгыр, яшен булуы ихтимал.
21 августта төнлә урыны белән бераз яңгыр фаразлана. Төнлә һава температурасы +8..+13 градус, көндез +20..+25 градус була.
22 августта төнлә +9..+14 градус, көндез +19..+24 градус, көньякта һәм көнчыгышта +27 градус булыр дип фаразлана.
