Юмор остасы, популяр алып баручы Әбри Хәбриев, гомер булмаганны, туйда эшләмәгән. Чөнки Әбри Хәбриевнең хатынының энесе өйләнгән.
Баштарак Әбри, шаярып, барысын да көлдереп, күңелле видеолар гына төшереп йөргән. Мәҗлеснең алып баручысы Рамил Шәрәфиев: «Бүгенге туйда Әбри Хәбриев кунак кына булды», – дип сөйләсә дә, соңрак аңа мәҗлесне барыбер кыздырырга туры килгән. Шаян видеолары белән Әбри Хәбриев социаль челтәрләрдә уртаклаша.
«Шимбә кайнешне дә башлы-күзле иттек. Матур яшәгез, яме», – дип язып калдырган ул.
