![Башкортстанда яшәүчеләр хәрбиләр өчен йөзләп банка тушенка ясаган](https://intertat.tatar/resize/shd/images/uploads/news/2023/11/1/640e644fba83022aad76c5b7f057460e.jpg)
Башкортстанның уңган ханымнары хәрбиләр өчен йөзләп банка тушенка япкан. Бу хакта Уфа блогеры Эльвина Сибагатова социаль челтәрдәге сәхифәсендә хәбәр итә.
«Минем авылдашларым, Бүздәк районы Сәвәдебаш авылы мәдәният йортында уңган апалар, махсус хәрби операциядәгеләргә тушенка яптылар. Барлык хәрбиләргә исән-сау туган якларына әйләнеп кайтырга язсын», – дип язган блогер.
Видеода күренгәнчә, өстәлдә йөзләгән банка тушенка тора. Аны ясаучы апалар «Җиңүчеләргә дан» җырыннан «Һай, асыл ил уллары, яудан җиңеп кайтыгыз» дигән юлларны башкара. Шулай ук, алар хәрбиләргә изге теләкләрен дә белдерә.
«Изге эшегез өчен мең рәхмәт» дип белдергән видеоны караучылар.