Россиядән килгән турист ир-ат Төркиянең Анталья шәһәрендә су тауларында шуганда муенын сындырган. Бу хакта Mash Batash телеграм-каналы хәбәр итте, дип яза «Аргументы и факты».
Башкортстанда яшәүче ир-ат гаиләсе белән чит илгә ял итәргә килгән. Ул балалары белән бергә су тауларына барган һәм имгәнгән.
Ир-атны хастаханәгә алып киткәннәр һәм ашыгыч рәвештә операция ясаганнар. Хәзерге вакытта зыян күрүченең туганнары аны Россиягә алып кайту мәсьәләсен хәл итә, диелә хәбәрдә.
