Башкортстанда авариядә ЮХИДИ хезмәткәре Рафис Хәйретдинов вафат булган. Бу хакта ufa1.ru сайты яза.
Коллегалары әйтүенчә, автоинспектор Иглин районында М-5 трассасында дежур торганда аны Chevrolet Niva автомобиле таптаткан.
«ЮХИДИ хезмәткәрен хастаханәгә алып барып җиткерә алмаганнар, ул вафат булган», - дип сөйләделәр Башкортстан буенча Эчке эшләр министрлыгында.
Һәлак булган өлкән лейтенант Рафис Хәйретдиновка 32 яшь булган. Ул Башкортстан буенча ЮХИДИ хезмәте батальонында хезмәт иткән. Авария 17 апрельдә, 22:30 сәгатьтә булган. Әлеге факт буенча тикшерү эше бара.
