«Өйдән үзе йөгереп чыкты». Башкортстанда янгын вакытында карт әбинең киемнәренә ут капкан

Башкортстанның Ишембай шәһәрендә 30 майда көндез бер өйдә янгын чыга. Өйдән 86 яшьлек әби йөгереп чыга. Аның киемнәренә ут капкан була. Бу турыда «Башинформ» хәбәр итте.

Урынга тиз арада коткаручылар килеп җитә. Алар өй алдындагы бүлмәдә идән януын ачыклый. Янгында 86 яшьлек хатын-кыз зыян күрә. 

Шаһитлар сүзләренчә, янгын сүндерүчеләр килеп җиткәнче, өйдән әби йөгереп чыга. Аның киемнәрендәге утны күрешләре сүндерә. Урынга табиблар килә. Кызганычка, алар әбинең үлүен раслый. Бу турыда Гадәттән тыш хәлләр министрлыгының Башкортстан буенча Баш идарәсендә хәбәр иткәннәр.

Фаҗига сәбәпләре ачыклана, диелә хәбәрдә.