Башкортстанның Дүртөйле шәһәрендә яшәүче 32 яшьлек ир-ат "үтерергә маташу" маддәсе буенча гаепләнә. Киров районы суды аны 26 майга кадәр сак астына алу турында карар чыгарган. Бу турыда "Башинформ" хәбәр итте.
Судның телеграм-каналындагы белешмә буенча, ир белән хатын табын корып утырганда низаг чыга. Хатын иренә хыянәт итүен сөйләп бирә. Көнчелектән ярсыган ир хатынының иңбашына арткы яктан пычак кадый.
Яраланган хатынны хастаханәгә озаталар, бәхеткә, ул исән кала.
