Социаль челтәрләрдә Башкортстанның Илеш районындагы авылда умартачылар төшергән видео таралды.
Видеода күренгәнчә, умарталыкка аю килгән, ояларны ачып, рәхәтләнеп, кәрәзле бал белән сыйланган. Бары тик берничә ояга гына тимәгән.
«Аю, аю дигәнгә ышанмаган идек. Менә умарта ята, менә кортлар, менә кәрәз, рамнар. Монысына тимәгән. Менә монда рәхәтләнеп яткан, килеп кенә чыкмасын берәр каян», – дип сөйли умартачы.
Бу тирәдә гөмбәгә, гөлҗимешкә йөрми торырга киңәш итәләр.
