15 июльдә Уфаның Арт-квадрат үзәгендә «Татар кызы» бәйгесенең төбәк этабына йомгак ясалды. Тәтешле районы Шуган авылы кызы Гөлназ Кашаева беренче урынга лаек булды. Бу турыда Татарстанның Башкортстандагы Даими вәкиллеге хәбәр итте.
23 яшьлек Гөлназ — педагог, чаралар оештыручы, спорт белән шөгыльләнә һәм бии. Аның тормыш принцибы — ихласлык һәм башкаларга яктылык бүлү.
Август аенда Гөлназ Казанда узачак Халыкара «Татар кызы-2026» ярымфиналында Башкортстан вәкиле булачак.
Оештыручылар: «Татарча фатирник | Аулак өй» Уфа татар яшьләренең иҗтимагый оешмасы, Бөтендөнья татар конгрессы һәм аның Башкортстандагы вәкиллеге, диелә хәбәрдә.