Башкортстанның Салават районында 25 апрельдә Юрүзән елгасында мәет табыла. Ул ярдан ун метр чамасы ераклыкта, мәетнең җенесен танымаслык була. Бу турыда «Башинформ» хәбәр итте.
«Хокук саклаучылар тиз арада аның шәхесен ачыклады. Ул – Салават районында яшәүче 43 яшьлек хатын булып чыкты. Бу хатын рәсми рәвештә эшләмәгән, хәмер эчү белән дә мавыкмаган. Мәрхүмә хатын анасы һәм балигъ булмаган ике баласы белән бергә яшәгән», – дип сөйләгән агентлык чыганагы.
Хәзер аның үлеме сәбәпләрен тикшерүчеләр ачыклый, диелә хәбәрдә.