Күп балалы ана, дус кызы белән бер караватка яткан өчен, иренә кырыс җәза биргән
Башкортстанның Салават районында гаилә драмасы канлы тәмамлана, дип яза newsbash.ru.
29 яшьлек дүрт балалы ана кунакка иптәш хатынын чакыра. Алар аракы эчә башлыйлар. Ир белән хатын арасында бәхәс чыга, хатын, үпкәләп, балаларын алып, әнисенә кайтып китә.
«Кәефе төшкән ир йокы бүлмәсенә кереп ята. Бераз вакыттан шушы ук бүлмәгә хатынының дусты да киенгән килеш кереп ята. Бераздан хатын кире кайтып керә һәм чит хатын белән бер диванда трусикчан гына яткан ирен күреп ала. Котырган хатын пычак ала һәм иренең күкрәгенә, аякларына кадый башлый», – дип яза сайт.
Бәхеткә, хатын бераздан суына һәм ашыгыч ярдәм чакырта. Табиблар ирне коткарып калалар. Әмма күп балалы ана кеше гомеренә авыр зыян китерүдә гаепләнә һәм 4 елга шартлы рәвештә ирегеннән мәхрүм ителә.