Башкортстанның Борай районындагы Иске Көрйә авылында 7 май төнендә зур янгын чыга. Биредә сыер белән кечкенә бозау һәлак була. Бу турыда «Башинформ» хәбәр итте.
Янгын агач йортның мунчасыннан башлана. Аннары ут өйгә дә күчә, кирпечтән ясалган веранда, металл гараж, җәйге кухня, сарай, «Волга» һәм «ВАЗ-2105» машиналары да яна.
Йортта яшәүче 74 яшьлек бабайның кулы пешә. Ул машинасыннан уттан алып чыгарга маташканда имгәнә. Хәзер хуҗа кеше район хастаханәсендә ята.
Янгынны иртәне бишенче яртылар тирәсендә сүндереп бетерәләр. Тикшерү эшләре бара, диелә хәбәрдә.