Башкортстанның Октябрь районы прокуратурасы көрәш түгәрәгендә бала үлгәннән соң тикшерү башлаган. Бу турыда «Башинформ» хәбәр итте.
Ведомствоның матбугат хезмәте хәбәр иткәнчә, спорт көрәше секцияләренең берсендә балигъ булмаган бала белән бәхетсезлек очрагы килеп чыга. 4 октябрьдә каратэдан тренировка вакытында, 14 яшьлек малайның хәле китә, ул аңын югалта һәм үлә.
Хокук саклаучылар һәм экстрен хезмәтләр эшчәнлеген координацияләү өчен, урынга Октябрь шәһәре прокуроры Денис Семенов бара. Фаҗиганең сәбәпләре ачыклау өчен тикшерү эшләре дәвам итә, аның нәтиҗәләре буенча чаралар күреләчәк, диелә хәбәрдә.
Россия Тикшерү комитетының Башкортстан буенча Тикшерү идарәсе дә тикшерү башлау турында хәбәр итте.