Илсөя Бәдретдинова: «20 ел элек Башкортстандагы концертыма биш тамашачы килгән иде»
Илсөя Бәдретдинова социаль челтәрдәге сәхифәсендә Башкортстан концертларына килгән иң күп тамашачы саны һәм иң азы белән уртаклашкан. Ике сан арасында аерма бик зур!
«Уфа! 14 000 тамашачы! Бу – минем өчен рекорд.
20 ел элек Башкортстанның Дүртиле районы Москово авылында концертыма 5 кеше килгән иде. Бу – минем Башкортстан җирлегендә куйган беренче концертым булды. Әгәр шул көнне, «менә шулай булачак» дип, бүгенге залларны күрсәтсәләр, мин ышанмаган да булыр идем.
Башкортстанның кайсы районына барсам да, үз кызыгыз кебек кабул итәсез. Бүләккә күмәсез.
Рәхмәтем, хөрмәтем сезгә, кадерле тамашачылар!» – дип хис-кичерешләре белән уртаклашкан Татарстанның атказанган җырчысы.
«Алга таба тагын да күбрәк», – дип вәгъдә иткән тамашачы.
«Бу холык! Барысы да яхшы булачак», «Сездәге энергетика – бомба, петарда. Күз тимәсен», – дигән комментарийлар да бар.