Башкортстанда терлекче булып эшләүче ир-ат ваклагыч бункерда һәлак булган. Бу турыда «Башинформ» хәбәр итте.
Фаҗига Калтасы районында була. Крестьян-фермер хуҗалыгында эшләүче терлекче үлеме буенча тикшерү бара.
Хезмәт инспекциясе белешмәсе буенча, гадәттән тыш хәл 5 февральдә сөт-товар фермасы территориясендә була. 40 яшьлек ир-ат ваклагыч бункерга төшеп китә. Ул шунда имгәнеп үлә.
