Башкортстанда бер ир-атны кыйнап, өйгә ут төрткән җинаятьчене сигез елдан соң тапканнар

Башкортстан прокуратура республикада яшәүче ир-атка карата "аеруча вәхши ысул белән үтерү", "ут төртү юлы белән, чит кеше милеген алдан уйлап юк итү" маддәләре буенча гаепләү карарын раслады. Бу турыда "Башинформ" хәбәр итте.
 
Ведомство белешмәсе буенча, 2013 елның ноябрендә Бөре шәһәрендә ир-атлар төркеме исерткеч эчемлекләр эчеп утыра. Ике кунак талаша башлый. Җинаятьтә шикләнелүче ир-ат ике шаһит каршында көндәшен кыйный башлый, аяклары белән тибә, куллары белән суга. Аннары агач урындык белән бәреп кыйный. Имгәнгән ир-ат аңын югалта. Җинаятьче эшен азакка җиткерү өчен өйгә ут төртә.
 
Кыйналган ир-ат төтен исе белән агуланып һәлак була, өй тулысынча янып бетә, 480 мең сум чамасы күләмдә зыян килә.

Җинаятьтә гаепләнүче кеше ачыкланмау сәбәпле, башлангыч тикшерү туктатыла.
 
"2021 елда тикшерүчеләр эшне кабат өйрәнә, шаһитларны сораштыралар һәм җинаятьчене табалар", - дип аңлатканнар өлкә буенча Тикшерү идарәсендә.

Ир-ат гаебен танымый. Җинаять эше республика Югары судына тапшырыла.