Уфада биш бала билгесез матдә белән агуланган, аларның өчесе авыр хәлдә. Бу турыда «Башинформ» хәбәр итте.
Балаларны 12 августта көндез аңсыз килеш табалар.
«Вся Уфа» телекомпаниясе белешмәсе буенча, аларны Сипайлы микрорайонындагы бер фатирда тапканнар.
«Башинформ» Башкортстанның Сәламәтлек саклау министрлыгына сылтама белән хәбәр иткәнчә, үсмерләр билгесез матдә белән агуланган һәм спиртның токсик тәэсиреннән зыян күргән. Хәзер алар хастаханәдә ята, өчесенең хәле уртача авырлыкта дип бәяләнә, диелә хәбәрдә.
