Башкортстанда атасы һәм кызын хастаханәгә алып бара торган ашыгыч ярдәм авариягә очраган
Башкортстанда ашыгыч ярдәм машинасына Nissan автомобиле бәрелгән. Ашыгыч ярдәм атасы белән 8 яшьлек кызын хастаханәгә алып бара торган булган. Бу турыда «Башинформ» хәбәр итте.
Фаҗига бүген 15.30 сәгатьтә Бикбай һәм Жуково юллары чатында була. Nissan бәрелгәч, ашыгыч ярдәм машинасы ян ягына ава.
Гадәттән тыш хәлләр министрлыгы белешмәсе буенча, нәни кызның кулы сынган һәм аны хастаханәгә алып барулары булган.
Ашыгыч ярдәмдә имгәнгән барлык кешеләргә, шул исәптән фельдшер белән машина йөртүчегә, ярдәм күрсәткәннәр. Nissan йөртүчесе җиңелчә курку белән генә котылган.
Тикшерү эшләре бара, диелә хәбәрдә.