8 августта Башкортстанда юл һәлакәтендә 3 кеше үлгән. Бу турыда «Башинформ» яза.
Бикеш-2нче Эткол юлында кич белән «Шевроле Круз» әйләнеп каплана.
Якынча белешмә буенча, 39 яшьлек йөртүче борылышта машина белән идарәсен югалта. Машина юл кырыена төшеп китә, аннары әйләнеп каплана.
Машина йөртүче үзе, салондагы 41 һәм 34 яшьлек 2 ир-ат «ашыгыч ярдәм» килгәнче үк һәлак була. Салонда 12 яшьлек малай да була, ул имгәнә. Баланы хастаханәгә илткәннәр.
Фаҗига сәбәпләре ачыклана, тикшерү бара, диелә хәбәрдә.