Башкортстан җырчысы Ләйлә Галиева «Гомер савытлары» җырының премьерасын тәкъдим итте. Яңа җырны барлык музыкаль мәйданчыкларда тыңларга була.
Җырның сүзләрен һәм көен Венера Мәхмүтова язган.
«Меңләгән тамашачы яратып өлгергән җырга клип әзер. Бу тормышта төрле савытлар була: әчесе дә, төчесе дә, әмма һәрвакыт үз адымыңны уйлап атларга кирәк», – дип белдерә җырчы.
Тамашачы яраткан җырларына клипны да җылы кабул итүләре турында комментарийлар калдырган: «Тирән мәгънәле, шәп клип», «Бик матур клип», «Искиткеч».