Иреннән аерылган җырчы Ләйлә Галиевадан тормышчан җыр: «Гаепле тик син һәм мин генә»

Башкортстан җырчысы Ләйлә Галиева тормышындагы яңалыклардан соң ныклап иҗатка ябышты. Ул тамашачыларына берсе артыннан берсе яңа җырларын тәкъдим итә башлады.

Аның чираттагы яңа җыры «Йөрмә саклап» дип атала. Җырның сүзләрен Гөлчәчәк Садретдинова язган, ә көен Айдар Тимербаев иҗат иткән.

«Әлеге җырым күңелләрегезгә үтеп керер дип өметләнәм», – дип яза үзе генә иҗат итәргә керешкән җырчы.

«Онытырга чараларын тап та,

Кала алмадык

Сөюләрне аклап.

Гаепле тик син һәм мин генә.

Күңелемнең бакчаларын тап та,

Йөрмә әле артларымнан саклап,

Үпкән-кочкан – очкан җилләргә.

Хисләремне телем-телем ваклап,

Өзгәләмә йөрәгемне кат-кат,

Үткәннәргә нигә тияргә...»