«Әниемнең туган көнендә яңа җырымны сезгә тәкъдим итәм. Әти-әни - һәр кеше өчен иң кадерле кешеләр. Эш тә эш дип чабабыз, туган йортыбызга кайтып, якыннарыбыз белән күрешергә генә дә вакыт тапмыйбыз.
Әти-әни исән чакта ешрак кайтсак иде, утырып чәйләр эчсәк иде. Шушы мизгелләрнең кадерен белсәк иде. Газиз кешеләребез безне күп еллар тәмле чәйләре белән елмаеп каршы алып торсалар иде», – дип яңа җырын тәкъдим иткән Ләйлә Галиева.
«Әнкәм гөле»нең авторлары – Мөхтәр Минһаҗев, Илнат Фәрхуллин көе.
Тамашачы бу җырны кайчандыр популяр җырчы булган Зөлфия Минһаҗева башкаруын искә төшергән.
«Яңа җыр түгел инде. Зөлфия Минһаҗева җырлый иде, көен генә үзгәрткәннәр», дип комментарий калдырган игътибарлы тамашачылар.