Танылган ир-атлар арасында чәч күчереп утырту буенча операция ясатучылар исемлегенә тагын берәү өстәлде. Ул – Башкортстанның атказанган артисты Марат Шәйбәков. Бу хакта ул социаль челтәрдәге сәхифәсендә хәбәр итте.
Беренче эш итеп, аның чәчен пеләшкә алганнар, аннары чәч күчереп утыртасы урынны билгеләгәннәр. Ул операция вакытын көткәнен, ясаганнарын һәм машинада утырып өенә кайтып барганын да күрсәтте.
«Чәчне кырып бәрделәр. Аннары чәч куерып китәчәк. Төркиядән килгән егетләр эшли», – дип сөйли җырчы.
Юмор остасы Данир Сабиров чәч күчереп утырту буенча операцияне Төркиядә ясаткан иде. Блогер Искәндәр Гайсин пеләшеннән Казанда котылды. Шул ук клиникада «Дневник татарина» сәхифәсен алып баручы блогер Рәмис Гыйльметдинов та башының чәчсез урыннарына чәч күчереп утырту буенча операция кичерде.
«Бәя чәч бөртеге санына карап түгел, ә күләмгә карап билгеләнә, ягъни 50-120 мең сумга кадәр», – дип җавап биргән иде Казан табибы.
Фото: Марат Шәйбәковның социаль челтәрдәге сәхифәсеннән
Фото: Марат Шәйбәковның социаль челтәрдәге сәхифәсеннән