Россиянең ким дигәндә 3 төбәгендә күп километрлы бөкеләр җыелган.
Чиләбе өлкәсендә М-5 трассасында бөкегә эләккән машиналар инде тәүлектән артык урыннарыннан кузгала алмый тора, дип яза телеграм-каналлар.
Кешеләргә машиналарында кунарга туры килгән. Төнлә кар яву аркасында бөке Башкортстанга кадәр сузылган.
М-4 «Дон» юлында Ростов-Дон ягына да бик зур бөке җыелган. Анда юлны йөк машинасы һәм җиңел машина катнашындагы авария япкан.
