Хокук саклау органнары хезмәткәрләре Мәскәү янындагы Красногорск шәһәрендә Башкортстан башлыгы администрациясенең социаль коммуникацияләр буенча идарәсе җитәкчесе Елена Прочаковскаяны кулга алган. Бу хакта «Красногорская правда» телеграм-каналына сылтама белән newsbash.ru сайты яза.
Чыганак мәгълүматлары буенча, Прочаковская, җинаять эшен тикшерү өчен, 48 сәгатькә кулга алынган. Бу эш белән Красногорск шәһәре буенча Россия Тикшерү комитеты шөгыльләнә.
Фото: © newsbash.ru сайты
«Коммерсант» басмасы мәгълүматлары буенча, Елена Прочаковскаяны, хезмәт урынын файдаланып, мошенниклык кылуда, шулай зур күләмдә мошенниклыкта гаепләргә мөмкиннәр.
Хәзерге вакытта Елена Прочаковскаяның мобиль телефоннары сүндерелгән. Журналистлар Мәскәү өлкәсенең Тикшерү комитетыннан бу хәбәр буенча оператив аңлатма ала алмаган.
Елена карьерасын Красногорск шәһәрендәге бер мәктәптә рус теле һәм әдәбияты укытучысы буларак башлый, ә 2017 елда аның талантын ул вакытта Красногорск җитәкчесе булып эшләгән Радий Хәбиров күреп ала.
2018 елда Елена Прочаковская Хәбиров командасы составында яңа эш урынына – Башкортстанның Республика белән идарә итү үзәгенә җибәрелә.